�ဆိုလျင် ထိုစကားများ ထိုစာများသည်လည်း အဆိပ်အတောက်ပင် ဖြစ်သည်ဟု ကျွန်တော် ယုံမှတ်ပါသည် …’ ဒီစာအုပ်ကတော့ ဆရာကြီးဦးအောင်သင်းရဲ့ ပေးသူနှင့် ယူသူ ဆောင်းပါးစု စာအုပ်ကို ဇွန်ပွင့်စာပေကနေ တတိယအကြိမ် ပြန်လည်ထုတ်ဝေမှု ဖြစ်ပါတယ်။ ဒီစာအုပ်မှာတော့ ပေးသူနှင့်ယူသူ၊ ချိုထောင်လေး ချိုထောင်ကြီး၊ အကဲဖြတ်စရာ၊ သသူတို့ကလေးတွေရဲ့ စာ(၁)၊ သူတို့ကလေးတွေရဲ့ စာ (၂)၊ သူတို့ကလေးတွေရဲ့ စာ (၃)၊ သူတို့ကလေးတွေရဲ့ စာ (၄)၊ သူတို့နှင့် ကျွန်တော်၊ ကြုံခဲ့ရသော စာပေဆွေးနွေးပွဲများ၊ အဆိပ်အတောက် စာပေသစ်၊ အံ့စရာငေါက်သံ၊ လူငယ်နှင့် ခေါင်းဆောင်မှု၊ လူငယ်နှင့် သတ္တိ၊ မျိုးဆက်သစ်အတွက် ပိဋကတ်မိတ်ဆက် … စတဲ့ ဆောင်းပါးတွေ ပါဝင်ပါတယ်။ ဆရာကြီးရဲ့ စေတနာ၊ မေတ္တာ၊ လူငယ်တွေအပေါ် ထားရှိတဲ့ ကရုဏာ၊ ချစ်ခင်စိတ်တွေကို ဆရာကြီးရဲ့ စာဝါကျတွေကနေတစ်ဆင့် တွေ့မြင်နိုင်ပါလိမ့်မယ်။ ဘဝအောင်မြင်ရေး၊ လူငယ်စိတ်ခွန်အားပေး၊ စာပေရေးရာ၊ အတွေ့အကြုံ အတွေးအမြင် ဆောင်းပါးတွေမို့ လူငယ်တွေတင်မက လူကြီးတွေပါ ဖတ်ရှုသင့်တဲ့ စာအုပ်ကောင်းတစ်အုပ်ပဲ ဖြစ်ပါတယ်။