ာပါ။ ကံကြမ္မာအလှည့်အပြောင်းကြောင့် ပညာရေးတစ်ပိုင်းတစ်စနဲ့ ကျောင်းရပ်တန့်လို့ မှောင်ခိုသမလေး ဖြစ်လာရရှာတဲ့ လှိုင်းကြည်ဖြူ၊ ရိုးသားတဲ့ ပဲ့နင်းကြီးဘဝကနေ မရိုးသားတဲ့ ကုန်သည်တွေကြောင့် အသက်ကိုဖက်နဲ့ထုပ်ကာ ထွက်ပြေးခဲ့ရသူ လှိုင်းကြည်ဖြူ၏ ဖခင် ဦးကျင်းကျား၊ ဦးလေးဖြစ်သူ အသတ်ခံရပြီးနောက်ပိုင်း အသက်ဘေးက ထွက်ပြေးရင်းမှ စီးပွားရေးလောကအတွင်း နေရာရလာသူ ထွဋ်ခေါင်နိုင်၊ မှောင်ခိုလုပ်ငန်းနဲ့ ကြီးပွားချမ်းသာလာရခဲ့ပြီးတောင်မှ ကျေနပ်အားရမှုမရှိဘဲ ပင်လယ်ဓါးပြတွေနဲ့ပါ ပေါင်းသင်း ကွက်ကျော်ရိုက်လာသူ ဦးဟုတ်တီ၊ ဖခင်ဖြစ်သူ ဦးဟုတ်တီရဲ့ မသမာတဲ့ လုပ်ရပ်တွေကို မသိဘဲ လှိုင်းကြည်ဖြူအပေါ် ရိုးရိုးသားသား မေတ္တာသက်ဝင်နေသူ ကောင်းဇော်ဦး … စတဲ့ ဇာတ်ကောင်တွေနဲ့ ဇာတ်အိမ်တည်ဆောက်ထားပြီး တနင်္သာရီမှောင်ခိုလောက ၊ ရန်ကုန် ကျောက်မျက်လောက၊ မန္တလေး အိမ်ခြံမြေ လောကနဲ့ နေပြည်တော် ဆောက်လုပ်ရေးလောကများရဲ့ စီးပွားရေး အတွင်းရေးတွေကို အခြေခံကာ ရေးဖွဲ့ထားတဲ့ ဝတ္ထုရှည်ကြီးမို့ စာချစ်သူတို့ အကြိုက်တွေ့ကြမှာပါ။ ဖတ်ကြည့်ကြပါဦးနော်။