�းမတယောက်ရဲ့ပျိုရွယ်စဉ်ဘဝ၊ အိမ်ထောင်ရှင်ဘဝ၊ အိမ်ထောင်ရေးသစ္စာဖောက်ခံ ဘဝ၊ ထိုမှ သားဆိုးမအေ တပေပေ အဖြစ်ကနေ အဘွားကြီးအရွယ်ရောက်တဲ့အထိ ဘဝအထွေထွေကို ရေးဖွဲ့ပြထားတယ်။ ဒီဝတ္ထုက ပေးစွမ်းတဲ့ 'အနိဋ္ဌာရုံအလှ’ကို စာဖတ်သူသည် ဘယ်အခါမှ မေ့နိုင်တော့မယ် မထင်ပါလို့ ကမ္ဘာစာ​ပေပညာရှင်တို့ ရည်ညွှန်းပြုထားတဲ့ ဝတ္ထုလေ။ ဆရာ ဗန်းမော်တင်အောင်'ချစ်အဏ္ဏဝါဘွေ’ ဝတ္ထုကြီး ရေးဖြစ်တော့ စေ့ဆော်မှု ရယူခဲ့တဲ့ဝတ္ထုတွေထဲမှာ ဒီဝတ်ထု ပါတာ သတိထားမိကွမလား မသိဘူး။ ( ထိုဝတ္ထု အမှာစာ ကြည့်) နောက်ပြီး တွေးမိတာပေါ့လေ။ ( မှန်ချင်မှလည်း မှန်မယ် ) ဆရာမြသန်းတင့်က သူ ဒေါက်တာမမိုးသူ – ဝတ္ထုကြီးကို (ရေးဖြစ်ခဲ့ရင်/ သိတဲ့အတိုင်း မရေးဖြစ်ခဲ့) မိန်းမတယောက် မွေးလာကတည်းက အဘွားကြီးဖြစ်ပြီး ကွယ်လွန်သွားသည်အထိ။ သူ့ရဲ့ အောင်မြင်မှု ၊ သူ့ရဲ့ကျရှုံးမှု ၊ သူ့ရဲ့ ရင်ခုန်သံ၊ သူ့ရဲ့မျှော်လင့်ချက်၊ သူ့ရဲ့ ဘဝအမော….ကို ရေးဖွဲ့ ဖန်တီးဖို့ စိတ်ကူးရှိတယ်( ချယ်ရီမဂ္ဂဇင်း ၁၉၉၃) လို့ ဆိုခဲ့ဖူးလေတော့ ဆရာလည်းပဲ မော်ပါဆွန်းရဲ့ဒီဝတ္ထုကို နှစ်သက်ခြင်း ရှိခဲ့နိုင်ရဲ့လို့ တွေးချင်စရာပါပဲ ။ ထို့နှယ် မြန်မာစာရေးဆရာအချို့ တခုတ်တရ ပြုခဲ့ကြဖူးတဲ့ မော်ပါဆွန်းရဲ့ မူရင်း ဝတ္ထုကြီး ဘယ်လိုရှိတယ်ဆိုတာ ဖတ်ပြီး အရသာခံကြည့်ပါဦး။ ပထမအကြိမ် (ဘဝတက္ကသိုလ်)နဲ့ ဒုတိယအကြိမ် (ရာပြည့်) က ထွက်ခဲ့ပြီး စျေးကွက်ထဲမှာ အနှစ်၂၀ ကျော် ကြာမှ၊ အခု ဇော်ဂျီဖိုလ်ဝင်တိုက် ကနေ တတိယအကြိမ် ပြန်ထွက်တာမို့ ရသပြည့်ဝတ္ထုကောင်း ဆာလောင်နေကြသူတွေ ဖတ်ကြည့်ပါ၊ဖတ်ရတာ တန်မှာပါ၊ တခါဖတ်ပြီးရင် မမေ့နိုင်တဲ့ ဝတ္ထုပါလို့ ရင်းနှီးစွာ လက်တို့ချင်ပါတယ်။