ပြည်သစ် တည်ထောင်ခန်းကို အချက်အလက်ပြည့်လျှမ်းတဲ့ သမိုင်းစာအုပ်ကဲ့သို့တမျိုး၊ လူ့စရိုက်လူ့သဘော လူ့မနော သရုပ်ဖော် ဝတ္ထုလိုတသွယ် မပျင်းစတမ်း ဖတ်ရမည့် စာအုပ်ကြီး။ မော်စီတုန်းနဲ့ လျူရှောက်ချီ ဆိုတဲ့ တရုတ်ပြည်ရဲ့ ထိပ်တန်းခေါင်းဆောင်နှစ်ဦးကြားက လှုပ်ရှား ထန်ပြင်းတဲ့ ပဋိပက္ခ။ မာ့က်စ်ဝါဒအလံနီကို အခေါင်အဖျားထိဝှေ့ယမ်းလိုသူနဲ့ ကွန်ဖြူးရှပ်ကိုးကွယ်မှု ကျောင်းဆောင်ထဲ ငုပ်လျှိုး ကွယ်ပုန်းနေချင်သူတွေရဲ့ ယုံကြည်ချက်ဆိုင်ရာ လွန်ဆွဲပွဲ။ လမ်းစဉ်နှစ်ရပ်ရဲ့ တိုက်ပွဲ။ အရှေ့လေနဲ့ အနောက်လေ အားပြိုင်မှု ။ ရှေ့သို့ခုန်ပျံကျော်လွှားရေးသမားတွေနဲ့ သမိုင်းနောက်မြီးဆွဲ လူထုလမ်းစဉ်သွေဖီသူတွေရဲ့ သဘောတရားရေး လေဆင်နှာမောင်း ။ ဌာနချုပ်ကို အမြောက်နဲ့ ထုချင်သူနဲ့ အစဉ်အလာစာအုပ်ကြီးသမားတွေကြားက သည်းထန်တဲ့ နိုင်ငံရေး မိုးသက်မုန်တိုင်း။ ၁၉၇၅ - ယဉ်ကျေးမှုတော်လှန်ရေးပေါ်ပေါက်စေတဲ့ အကြောင်းဗျုပ္ပတ်ကို ၁၉၄၉- မော်စီတုန်းတရုတ်ပြည် သစ် တည်ထောင်ခန်းကနေ စတင်ပြီး အတွင်းကျကျ အသေးစိတ် ရေးထားတဲ့ စာအုပ်။ 'ကမ္ဘာကိုကိုင်လှုပ်သော တရုတ်ပြည်’—စာအုပ်က တရုတ်တော်လှန်ရေးသမားတွေရဲ့ အတောက်ပဆုံး ထွန်းပြောင်ခဲ့သော သမိုင်းရေးရုပ်ပုံလွှာလို့ ဆိုနိုင်ရင် ဟန်စုယင်ရဲ့ အခုစာအုပ်က ညီညွှတ်သောတော်လှန်ရေး သမားအချင်းချင်းကြားက တော်လှန်ရေးအောင်ပွဲခံပြီး နောက် ဖြစ်ပျက်ခဲ့တဲ့ 'အာဏာပြဿနာ’ကို ထောင့်စေ့ ကွက်စေ့ ချက်ကျ လက်ကျ သရုပ်ဖော်တယ်။ ဒီရေမြင့်သစ်/ တောင်များ၏တောင်ဘက်…. မီးလောင်မြေတို့နဲ့လည်း ဆက်စပ်တွဲဖက်ပြီး ဖတ်စရာ။ ခေါင်းစီးလက်ရေးစာလုံး - ဆရာတင်ထွဏ်း မျက်နှာဖုံးနဲ့ အတွင်းရေခံပန်းချီ- ဆရာမုတ်သုံ မျက်နှာဖုံးအပြင်အဆင်- ဆရာဗဂျီလင်းဝဏ္ဏတို့ရဲ့ လက်ရာဖြင့်— အောက်ခြေမှတ်၊ အပြန်အလှန်ရည်ညွှန်းချက် အက္ခရာစဉ်အညွှန်းတို့ကို ပြည့်စုံစွာ ပြုလုပ်လျက်၊ အကိုးအကားပြုနိုင်ရန် ကျမ်းကြီးသဖွယ်- စာမျက်နှာ ၅၄၄။ ၆-၉ လက်မအရွယ် ။ အခန့်ချုပ်။ ။ စက္ကူဖြူချော ဖြင့် - ပုံနှိပ်သည်။