�ြစ်နိုင်သလို၊ ဝဋ်ကြွေးပါတာကြောင့်လည်း ဖြစ်နိုင်တယ်" တဲ့။ မတူညီတဲ့ခံစားချက်၊ မတူညီတဲ့ပုံစံအမျိုးမျိုးနဲ့ အဲဒီ"တွေ့ဆုံမှု"ဆိုတဲ့ ခေါင်းစဉ်အောက်မှာ ထိတွေ့ငြိတွယ်လာကြတဲ့အခါ..... အဲဒီအထဲမှာ..... ချိုသဲဆိုတဲ့ကောင်မလေးနဲ့ ဝေယံဆိုတဲ့ကောင်းလေးတို့ ဘယ်လိုဆုံတွေ့ခဲ့ကြသလဲ...... ဘယ်လိုလျှို့ဝှက်ချက်တွေရှိကြသလဲ... သူတို့နှစ်ယောက်ရဲ့တွေ့ဆုံမှုက ရေစက်ကြောင့်လား (ဒါမှမဟုတ်) ဝဋ်ကြွေးကြောင့်လား... အရောင်းအဝယ်စာချုပ်မှာ ကိုယ့်လက်ထဲ မရောက်သေးတာ ငွေအရင်ချေလို့ ဘယ်ဖြစ်ပါ့မလဲနော်"ဆိုပြီး လက်ကိုပြန်ရုတ်သွားတော့ ငနဲသားလေးရဲ့ပုံစံလေးကိုကြည့်ပြီး ပါးတွေကို လိမ်ဆွဲပစ်ချင်လိုက်တာ အူကိုယားနေတာပဲဆို။ ငနဲသားလေးက"ဒီမှာနော်အသစ်တွေချည်းပဲ" ဆိုပြီး အိတ်ထဲကနေ ချိုသဲမြင်သာအောင် ဆွဲထုတ်ပြတော့ ချိုသဲနှုတ်ခမ်းပေါ် သကြားတွေ ပုံချလိုက်သလိုကို ချိုမြသွားတာပဲ။ ငနဲသားလေးက အထုတ်ကို ဘေးမှာရှိတဲ့ ခုံလေးပေါ်တင်လိုက်ပြီး"ကိုယ်တို့ဇာတ်လမ်း စကြတော့မလား"တဲ့။ အပေးအယူဆန်ဆန်ပြောလာတဲ့ ငနဲသားလေးရဲ့ အနေအထား ဘယ်လိုရှိနေမယ် မသိပေမယ့် ချိုသဲရင်ထဲ မှာတော့ အိုးခွက်ပန်းကန်တွေ ပြုတ်ကျသွား သလို ဆူညံသွားတာပဲ။ " လျှို့ဝှက်နံပါတ်တစ်ထောင့်ငါးရာ" ဆိုတဲ့ စကားလုံးကရော သူတို့နှစ်ယောက်ကြား ဘာကြောင့် ဖြစ်ပေါ်လာသလဲ ဆိုတာ???