��်လေးက လောကလူသားတွေ လူကြီး လူငယ် လူလတ်ပိုင်းတွေ ဘယ်လိုအကြောင်းမျိုးကြောင့် စိတ်ဓာတ်တွေကျဆင်းနေပါစေ၊ နာကျင်မှုတွေ ဘယ်လိုပဲ ခံစားနေရပါစေ၊ အဲဒီအရာတွေကို ဖြတ်ကျော်စေနိုင်မယ့် စိတ်ဓာတ်ခွန်အားတွေ ရရှိစေမယ့် စာအုပ်လေးဆိုရင်လဲ မမှားပါဘူး။ စာရေးသူထွက်ရှိထားတဲ့ စာအုပ်လေးတွေက စာဖတ်ပရိသတ်တွေကို စိတ်ဓာတ်ခွန်အား ရရှိစေဖို့၊ စိတ်ကို အေးချမ်းစေဖို့၊ အခက်အခဲတွေကို ကျော်ဖြတ်နိုင်ဖို့၊ ကျရှုံးခြင်းတွေကို ရင်ဆိုင်ဖြေရှင်းတတ်ဖို့၊ စာဖတ်သူတွေ ဗဟုသုတရရှိစေဖို့အတွက် ရည်ရွယ်ပြီးတော့ စာဖတ်ပရိသတ်တွေ နားလည်အောင် ရိုးရိုးရှင်းရှင်းလေး ရေးဖွဲ့ထားတာ ဖြစ်ပါတယ် ။ လောကသဘာဝဖြစ်တတ်တဲ့ လောကဓံ အတက်အကျ အနိမ့်အမြင့်တွေ ၊ လူလောကရဲ့ ဖြစ်တတ်တဲ့သဘောတရားတွေကို လက်တွေကျကျ ဖြေရှင်းနိုင်ပြီး၊ ကိုယ့်အတွက်သင်ခန်းစာတွေယူသင့်တာကို ယူပြီးတော့ လောကကြီးကို အေးအေးချမ်းချမ်း လျှောက်လှမ်းနိုင်ကြလိမ့်မယ်လို့လည်း ယုံကြည်မိပါတယ်။ စာရေးသူရဲ့ “ချစ်ခြင်းမေတ္တာဆိုတာ လူသားတိုင်းနဲ့ ထိုက်တန်ပါတယ်" စာအုပ်လေးကို ဖတ်ရှုပြီးတဲ့အချိန် မှာ စိတ်ဓာတ်ခွန်အားတွေ ရရှိရုံတင်မဟုတ်ပဲ။ ကိုယ့်ရဲ့အတွေးတွေကို ဘယ်လိုဖန်တီးရမယ်ဆိုတာလည်း သိလာမယ်။ ကိုယ့်ရဲ့စိတ်ထားတွေ ဘယ်အခြေနေမှာ ဘယ်လိုထားရမယ်။ ဘယ်အချိန်မှာ ဘယ်လိုကျော်ဖြတ်ရမယ်ဆိုတာ လက်တွေ့ကျကျသိလာမယ်။ လူတွေရဲ့စိတ်ထားတွေကိုလည်း ကိုယ်တိုင်ဝေဖန်တတ်လာလိမ့်မယ်။ စာဖတ်ပရိသတ်တွေလောကကြီးကို စိတ်သစ် လူသစ် ခွန်အားအသစ်တွေနဲ့ ကြုံတွေ့လာသမျှ လောကဓံတရားတွေကို ရဲရဲဝံ့ဝံ့ ရင်ဆိုင်ကျော်ဖြတ်ပြီးတော့ အေးအေးချမ်းချမ်းလေးနဲ့ဖြတ်သန်းနိုင်လိမ့်မယ်လို့လည်း မျှော်လင့်မိပါတယ်။