�ဆုံးသော နေ့ကို ရောက်နေရင်တောင် မင်းမှာ မျှော်လင့်ချက်ရှိနေပါသေးတယ်။ အရာရာဟာ ကိုယ်လက်လျှော့တဲ့ တစ်နေ့မှ တကယ် အရှုံးပေးလိုက်တာပါ။ အိပ်မရတဲ့ ညတွေ၊ အထီးကျန် ညတွေ၊ ရရှိထားတဲ့ ဘဝကို မထိုက်တန်ဘူးလို့ ခံစားနေရသူတွေအတွက် မိမိကိုယ်ကို ပြန်လည် ခွန်အားပေးဖို့ အကောင်းဆုံး စာအုပ်လေး တစ်အုပ်ဖြစ်ပါတယ်။ လူတစ်ယောက်ဟာ မိမိကိုယ်ကို ပြန်လည်ချစ်ဖို့ အထိုက်တန်ဆုံးပဲဆိုတာကို မူရင်းရေးသားသူ Patience Tamarra က ပြောထားပါတယ်။ “အတိတ်က ဒဏ်ရာတွေကြောင့် နာကျင်နေတဲ့ နှလုံးသားလေးက ခိုင်မြဲတဲ့ မေတ္တာတရားနဲ့ ထိုက်တန်ပါသေးတယ်” လူတစ်ယောက်ဖြစ်လာပြီဆိုရင် ကိုယ့်ကို ကိုယ်ချစ်ဖို့အတွက် သူတစ်ပါးကို ချစ်ပေးနိုင်ဖို့ အမြဲစဥ်းစား နေတတ်ကြပါတယ်။ ကိုယ့်ထက် ပိုချစ်မိနေတတ်တဲ့ အရာတွေကတော့ လက်တွဲဖော်အတွက် ပေးစပ်တဲ့ အချစ်မျိုးတွေ၊ ပြီးတော့ ကိုယ့်မိသားစုအတွက် အရာရာကို အနစ်နာခံပြီး ချစ်ပေးနေရတာမျိုးတွေ ကြုံဆုံဖူးကြပါလိမ့်မယ်။ တစ်ခါတရံမှာ ကျနော်တို့တွေဟာ ကိုယ့်ကိုကိုယ်ချစ်ဖို့ မေ့နေတတ်ကြပါတယ်။ ဒီစာအုပ်လေးထဲမှာတော့... ကိုယ့်ကိုကိုယ် ပြန်ချစ်ဖို့ မေ့နေသူတွေ အတွက် ခွန်အားပေး စာစုငယ်လေးတွေနဲ့ ဖော်ညွှန်းပြီး ကိုယ့်ကိုကိုယ် ပြန်ချစ်ဖို့ မမေ့အောင် ခွန်အားပေးထားတာကိုတွေ့ရပါမယ်။ dear self က ဘဝအတွက် ခွန်အားမဲ့နေရတဲ့သူတွေအတွက် စိတ်ခွန်အားတွေ ပြန်လည် ဖြည့်စွက်ပေးမယ့် အားဆေးတစ်ခုဖြစ်တယ်လို့ ပြောလို့ရတဲ့ စာအုပ်ကောင်းလေး ၁အုပ် ဖြစ်ပါတယ်။