��တဲ့စာ တိုခြင်းရှည်ခြင်းက အနှစ်သာရမဟုတ်ပါဘူး။ အဲဒီစာကိုဖတ်လိုက်ရသူအတွက် ထိမိတဲ့အတွေးအမြင်ရသတွေကို ရရှိခြင်းကသာ အနှစ်သာရဖြစ်ပါတယ်။ နှုတ်တစ်ရာ စာတစ်လုံးလို့ အဆိုရှိရဲ့မဟုတ်လား . . . ကိုယ့်အတွက်ဉာဏ်ပွင့်သွားစေမဲ့အတွေးအမြင်မျိုး နှလုံးသားကိုနူးညံ့သွားစေမဲ့ရသမျိုး ရရှိလိုက်တယ်ဆိုရင် တစ်လုံးတည်းသောစာရဲ့တန်ဖိုးကိုသိကြရမှာဖြစ်ပါတယ်။ ဒီစာအုပ်က စာတိုလေးတွေဖြစ်ပါတယ်။ လိုရင်းရောက်မရောက်ဆိုတာကတော့ စာဖတ်သူရဲ့ထိရှမှုကသာစကားပြောသွားမှာဖြစ်ပါတယ်။ ကုန်စျေးနှုန်းကြီးမြင့်နေတဲ့အချိန်မှာ စာအုပ်အလေအလွင့်မရှိအောင် စာတိုလေးတွေဖြစ်တဲ့အတွက် စာအုပ်ဆိုဒ်အသေးလေးစီစဉ်ထားပါတယ်။ ချစ်စရာ သေးသေးထူထူအနေအထားလေးမို့ ဆွဲဆောင်မှုရှိပါတယ်။ စာမြည်း - 🔷လုပ်ချင်တိုင်း ထင်ရာမလုပ်ပါနဲ့။ လုပ်သင့်မှ မှန်တာလုပ်ပါ။ 🔷ဖြစ်ချင်တာတွေချည်း မလုပ်နဲ့။ ဖြစ်သင့်တာချည်း တွေးမနေနဲ့။ ဖြစ်နေတာကို အရင်ဖြေရှင်းပါ။ 🔷သွေးသားနဲ့ တည်ဆောက်ထားတဲ့ မျက်စိတွေ နားတွေရှိပေမဲ့လို့ ဉာဏ်နဲ့တည်ဆောက်ထားတဲ့ မျက်စိတွေ နားတွေမရှိဘူးဆိုရင် တန်ဖိုးရှိသူမဖြစ်နိုင်ပါဘူး။ 🔷ဒီနေ့ မှားသွားတာ နောက်နေ့ ပြန်လုပ်လို့ရပေမဲ့ ဒီနေ့ဟာ နောက်နေ့တော့ ဖြစ်မှာမဟုတ်ဘူး။