��က်စာအုပ် " ကမ္မ(KARMA) " ကမ္မစာအုပ်ဟာ ကမ္ဘာကျော် ဂူရုကြီးတစ်ပါးဖြစ်တဲ့ Sadhguru ရဲ့ ရောင်းအားကောင်းတဲ့ Karma စာအုပ်ကို ဘာသာပြန်ထားတဲ့ စာအုပ်ကောင်းတစ်အုပ်ပါ။ ဒီစာအုပ်ကို ဘာကြောင့် ဖတ်သင့်တာလဲ ❓ ကံတရားဆိုတာ ဆုပေး၊ ဒဏ်ပေးစနစ်တစ်ခု မဟုတ်ဘူးတဲ့... ဒါဆို ဘာများဖြစ်နိုင်မလဲ။ ဒီစာအုပ်ဟာ ဘဝရဲ့ စနစ်ထဲမှာ ကံတရားက ဘယ်လိုပုံစံနဲ့ အလုပ်လုပ်နေသလဲဆိုတာကို အသေးစိတ်ကျကျ သိရှိနိုင်စေနိုင်မယ့် စာအုပ်ကောင်းတစ်အုပ်ပါပဲ။ ကံကြမ္မာစက်ဝန်းရဲ့ နင်းကြိတ် ဖိနှိပ်မှုတွေကနေ လွတ်မြောက်နိုင်ဖို့ ဘယ်လိုလုပ်ဆောင်ရမလဲဆိုတာကိုလည်း ဒီစာအုပ်ထဲမှာ ရှင်းပြထားပါတယ်။ စာအုပ်ထဲမှာ Sadhguru ရဲ့ ဥပမာ ပေးထားတဲ့ ဇာတ်လမ်းလေးတွေ၊ ပုံပြင်အတိုလေးတွေ အများကြီးနဲ့ ကံတရားကို အသေအချာ ရှင်းပြထားတာကိုလည်း တွေ့ရမှာပါ။ စာအုပ်ဖတ်ရင်းနဲ့ ဘဝရဲ့ နက်နက်ရှိုင်းရှိုင်းအထိ သွားကြည့်ချင်တယ်ဆိုရင်... ကိုယ့်ရဲ့ ကိုယ်ပိုင်ကံကြမ္မာကို ကိုယ်ကိုယ်တိုင် ဘယ်လို ကျွမ်းကျွမ်းကျင်ကျင်နဲ့ ကြိုးကိုင်ရမလဲဆိုတာကို သိချင်တယ်ဆိုရင်... ဒီစာအုပ်က အဖတ်သင့်ဆုံး စာအုပ်ကောင်းတစ်အုပ်ပါပဲ။ ------------------------------------------------------------------- ခင်ဗျား(သို့မဟုတ်)ခင်ဗျားခြေထောက်ကို ကံကြမ္မာ လှည်းဘီးက ထပ်တလဲလဲနင်းကြိတ်နေပြီဆိုရင် ပြဿနာက လှည်းဘီးမှာရှိနေတာမဟုတ်ပါဘူး။ ဘယ်လိုစီးနင်းရမယ်ဆိုတာ ခင်ဗျားကိုယ်တိုင် မသိရှိတာကြောင့်ပဲဖြစ်ပါတယ်။ ဒီအုပ်ရဲ့ရည်ရွယ်ချက်က ကံကြမ္မာလှည်းဘီးကို အသစ်လဲဖို့ မဟုတ်ပါဘူး။ ခင်ဗျားရဲ့ရည်မှန်းချက် ပန်းတိုင်ဆီရောက်ဖို့ ဘယ်လိုလိုက်ပါစီးနင်းရမယ် ဆိုတာကိုပဲ အကြံပြုမှာပါ။ ခင်ဗျားရဲ့ ကိုယ်ပိုင်ခရီးကို ခင်ဗျားကိုယ်တိုင် ထိန်းချုပ်နိုင်မယ့် အသိပညာနဲ့ လုံခြုံမှု ရရှိစေပါလိမ့်မယ်။