�ေ အချစ် အမုန်းတွေ ရှိနေကြသလို ဒီအရာတွေကိုပဲ လောကဓံရယ်လို့ သတ်မှတ်ခေါ်ဆိုပြီး ရင်ဆိုင်ဖြတ်ကျော်ကာ နေကြရသူတွေချည်းပါပဲ။ ဘယ်သူမဆို အကောင်းဆုံးဆိုတာကို မျှော်လင့်ထားကြမှာပါ။ ဒါပေမဲ့ မျှော်လင့်မထားတဲ့ အဆိုးတွေကလည်း ကိုယ့်ဘဝ ကိုယ့်အနားမှာ ရောက်ရှိနေတတ်ပြန်တယ်။ လူသားတွေရဲ့ ပေါင်းသင်းဆက်ဆံရေးနယ်ပယ်ထဲမှာလည်း ရိုးသားပွင့်လင်းတဲ့သူတွေ အတော်လေးရှားပါးလာပြီး လိမ်ညာလှည့်ဖျားမှုတွေနဲ့ မရိုးသားမဖြောင့်မတ်တဲ့သူတွေသာ များများလာပါတယ်။ ဒီစာအုပ်လေးက လိမ်ညာဟန်ဆောင်ခြင်းတွေနဲ့ လှည့်စားတတ်တဲ့ လောကမာယာတွေကို ထင်ရှားပေါ်လွင်လာအောင် ဥပမာများဖြင့် ရေးသားဖော်ပြထားပါတယ်။ ဒေါသမီးလောင်ကျွမ်းခံရသူဟာ မပြစ်မှားသင့်တာကိုလည်း ပြစ်မှားလာနိုင်သလို မစော်ကားသင့်တာကိုလည်း စော်ကားပြုမူဖို့မခဲယဥ်းတော့ပါဘူး။ကိုယ့်ကြောင့် ကိုယ့်မိသားစု နဲ့ ကိုယ့်ပတ်ဝန်းကျင်ကို ကောင်းကျိုးမပေးတဲ့ ဒေါသစိတ်တွေကို မဖြစ်ပေါ်လာစေဖို့ သတိကြီးကြီးထားပြီးဆင်ခြင်ကြဖို့လိုပါလိမ့်မယ်။ မတူညီတဲ့ အခြေအနေပေါ်မှာ လူသားအချင်းချင်း တူညီမှုတွေကိုပေါင်းစပ်ကာ လေးစားတန်ဖိုးထားကြပြီး တစ်ယောက်ရဲ့အကျိုးကို အခြားတစ်ယောက်က ထိခိုက်နာကျင်အောင်မလုပ်ကြဘဲ ရေရှည်ပေါင်းသင်းဆက်ဆံနိုင်မယ့် ကျယ်ပြန့်တဲ့အဖြေတစ်ခုကို နားလည်မှု ၊ ကိုယ်ချင်းစာမှု ၊ လေးစားတန်ဖိုးထားမှုတွေနဲ့ ချစ်ခြင်းမေတ္တာမပျက် ခရီးဆက်ကြရမှာဖြစ်ပါတယ်။ ဘယ်လိုပဲဖြစ်ဖြစ် အကောင်းပဲလာလာ အဆိုးတွေပဲကြုံကြုံ ဆုံလာတဲ့အချိုးအကွေ့မှာတော့ လူသားတစ်ယောက်ရဲ့ ရဲရင့်မှု လူပီသမှုတွေကို လှစ်ဟပြနိုင်ဖို့ အရေးကြီးပါတယ်။ "အဇ္စျတ္တတိုက်ပွဲ"ဆိုတဲ့ စာအုပ်လေးဟာ ကြုံလာဆုံလာမယ့် အခက်အခဲတွေ အချိုးအကွေ့တွေအတွက် တစ်ထောင့်တစ်နေရာကနေ ခွန်အားသစ်တွေနဲ့ ရင်ဆိုင်ဖြတ်ကျော်နိုင်ဖို့ အထောက်အကူ ပြုပေးလိမ့်မယ်လို့ ယုံကြည်မိပါတယ်။