�ုင်ငံက အသက် ၁၁ နှစ်နဲ့ ဘာသာပြန်စာပေတွေ ပင်ကိုရေးစာပေတွေရေးသားနေတဲ့ မီးမီးငယ်လေးတစ်ယောက်ဖြစ်ပါတယ်။ မီးမီးက ငယ်ငယ်ရွယ်ရွယ်နဲ့ စာအင်မတန်ဖတ်သလို ဖတ်ခဲ့တဲ့စာအုပ်တွေကိုလဲ အညွှန်းပြန်လည်ရေးသားလေ့ရှိပါတယ်။ ဒီစာအုပ်လေးအပြင် မီးမီး ကိုးရီးယားဘာသာကနေ မြန်မာပြန်ဆိုထားတဲ့စာအုပ်တွေနဲ့ ပင်ကိုရေးဝတ္ထုတိုတွေလဲ ထုတ်ဝေသွားဖို့ အစီအစဥ်ရှိပါတယ်။ မီးမီးအသက်က လက်ရှိ ၁၃ နှစ်ဖြစ်ပါတယ်။ အခုစာအုပ်က The Ghost is Love ဆိုတဲ့စာအုပ်လေးကို အင်္ဂလိပ်ဘာသာကနေ မြန်မာဘာသာ ပြန်ဆိုထားတာပါ။ "တစ္ဆေတစ်ကောင်ရဲ့အချစ်" လို့ အမည်ပေးလိုက်တော့ အင်မတန် စွဲဆောင်မှုရှိပါတယ်။ ဝတ္ထုတိုသုံးပုဒ် ပါဝင်ပြီး အင်္ဂလိပ် မြန်မာ နှစ်ဘာသာနဲ့ ဖော်ပြထားပါတယ်။ ပါဝင်တဲ့ ဇာတ်လမ်းအကြောင်းအရာ သုံးခုလုံးက ဝိညာဥ်လောကနဲ့ ဆက်နွှယ်နေတဲ့ဇာတ်လမ်းမျိုးတွေဖြစ်ပါတယ်။ လူသားနဲ့ဝိညာဥ်လောကသားတွေကြား ဆက်နွှယ်နေတဲ့ သံယောဇဥ်အပိုင်းအစလေးတွေကို ရေးသားထားတဲ့ဝတ္ထုလေးတွေမို့ စိတ်ဝင်စားဖို့ကောင်းပါတယ်။ ပိုထူးခြားတာက အသက် ၁၁ နှစ်အရွယ် ကလေးတစ်ယောက်ဘာသာပြန်ထားတဲ့စာအုပ်က ဝိညာဥ်လောကနဲ့ ဆက်နွှယ်နေတဲ့စာအုပ်မျိုး ဖြစ်နေတာပဲဖြစ်ပါတယ်။