ဖြစ်ပွားခဲ့တဲ့ ဒုတိယကမ္ဘာစစ်ကြီးရဲ့ နောက်ခံသမိုင်းကြောင်းများ၊ နာဇီပါတီရဲ့ အာဏာရှင် ဟစ်တလာအကြောင်း၊ အီတလီ ဖက်ဆစ်အာဏာရှင် မူဆိုလီနီအကြောင်း၊ အီတလီတို့ရဲ့ ကျူးကျော်မှုများ၊ အလာမိန်းတိုက်ပွဲနဲ့ နော်မန်ဒီ ကမ်းတက်တိုက်ပွဲအကြောင်း၊ ဟစ်တလာရဲ့ ဘဝနေဝင်ချိန် … စတဲ့ စတဲ့ ဒုတိယကမ္ဘာစစ်ကြီး အကြောင်းကို ပြည့်ပြည့်စုံစုံ ဖတ်ရှုရမယ့် စာအုပ် ဖြစ်ပါတယ်။ ယနေ့ခေတ် လူသားတိုင်းဟာ ကြောက်မက်ဖွယ် ကောင်းလှတဲ့ ပထမကမ္ဘာစစ်နဲ့ ဒုတိယ ကမ္ဘာစစ်ဆိုတဲ့ စစ်ပွဲကြီးနှစ်ခုကို သင်ခန်းစာယူပြီး နျူကလီးယား လက်နက်တွေကို ကိုယ်စီ ကိုင်ထားကြတဲ့ နိုင်ငံကြီးတွေကို ကြည့်ရင်း တတိယကမ္ဘာစစ်ကြီး ဖြစ်လာမှာကို စိုးရိမ်နေကြပါတယ်။ တတိယ ကမ္ဘာစစ်သာ ဖြစ်ခဲ့ရင်တော့ လူသားမျိုးနွယ် ပျောက်ကွယ်လုမတတ် ဖြစ်နိုင်ချေရှိတဲ့ နျူကလီးယားစစ်ပွဲကြီး ဖြစ်လာမှာ မလွဲပါဘူး။ ဒါကြောင့် စစ်ပွဲတွေ ရှောင်လွဲနိုင်ဖို့ ငြိမ်းချမ်းရေးတေးသံကို လူတိုင်း လိုလားသီကျူးကြရမှာ ဖြစ်သလို၊ ရှေးက ဖြစ်ခဲ့တဲ့ စစ်ရဲ့ အနိဋ္ဌာရုံတွေကို သင်ခန်းစာယူဖို့အတွက် ကမ္ဘာစစ်အတွင်း အဖြစ်အပျက် အကြောင်းအရာတွေကို အသေးစိတ် ရေးသားထားတဲ့ ဒီစာအုပ်ကို ဖတ်ရှုထားသင့်ပါတယ်။