ယ်။ 'ယနေ့ မြေပြင်အခြေအနေမှာဆိုရင် ငြိမ်းချမ်းရေးကို ရရှိဖို့အတွက် တောင်းဆိုနေကြပါတယ်။ လိုချင်ကြတယ်။ လိုချင်ရုံနဲ့ မပြီးပါ။ တောင်းဆိုနေရုံနဲ့ မပြီးပါ။ ငြိမ်းချမ်းရေး ဖြစ်စဉ်မှာ ကိုယ်တိုင်ကိုယ်ကျ ပါဝင်ကြဖို့ လိုပါတယ်။ လူတိုင်းဟာ ငြိမ်းချမ်းရေးကို လိုချင်ကြတယ်။ ငြိမ်းချမ်းရေးရဖို့ အတွက် ငြိမ်းချမ်းရေး ဖြစ်စဉ်မှာ လူတိုင်း ပါဝင်ဖို့ တာဝန်ရှိပါတယ်။ အပြန်အလှန် လေးစားမှုတွေ၊ ညီညွတ်မျှတမှုတွေ၊ မတူကွဲပြားမှုကို ကြီးမားသော သယံဇာတအဖြစ် မှတ်ယူလက်ခံနိုင်တာတွေဟာ ငြိမ်းချမ်းရေးဖြစ်စဉ်မှာ သိပ်ကို အရေးကြီးပါတယ်။ စကားအရ အပြောသက်သက်ထက်စာရင် လက်တွေ့ကျကျ ညှိနှိုင်းလုပ်ဆောင်ခြင်းဖြင့် ငြိမ်းချမ်းရေးခရီးကို အကောင်အထည် ဖော်ဆောင်ကြရပါမယ်။ ရလိုမှုထက် ပေးဆပ်မှုက အဓိက အချက်တစ်ချက် ဖြစ်ပါတယ်' (ထုတ်ဝေသူ စကား ... မှ) ဒီစာအုပ်မှာတော့ ... ဆရာကြီး သခင်ကိုယ်တော်မှိုင်းနှင့် ငြိမ်းချမ်းရေး စာစုက စလို့၊ ပိတ်နေတဲ့တံခါး ဘယ်သူ့အားနဲ့ ဆွဲဖွင့်နိုင်ခဲ့လဲ ... စာစုအထိ ဆောင်းပါးစာစုပေါင်း ၃၆ ပုဒ်တိတိ ပါဝင်ပါတယ်။ လူတိုင်း လိုလားကြတဲ့ ငြိမ်းချမ်းရေးအတွက်၊ မငြိမ်းချမ်းသေးတဲ့ တိုင်းပြည်တစ်ခုက ပြည်သူတိုင်း ဖတ်ရှုသင့်တဲ့ ငြိမ်းချမ်းရေးတောင့်တမှု ဆောင်းပါးစု စာအုပ်လေးမို့ လက်တို့ညွှန်းဆိုလိုက်ပါတယ် စာချစ်သူတို့ရေ။