�ခဲ့သလို ပညာရေးဆိုင်ရာ စာအုပ်တချို့က စာပေသီအိုရီသင်ကြားရေး အထောက်အကူပြု မေးခွန်းတွေကိုပါ ဖြည့်စွက်လို့ ထုတ်ဝေထားတဲ့ စာအုပ်ဖြစ်ပါတယ်။ ‘နှစ်ပေါင်းများစွာ အကြိမ်ကြိမ် ပြောခဲ့တဲ့စကားကိုပဲ ဒီစာအုပ်မှာ ထပ်ပြီး ပြောပါရစေ။ စာပေသီအိုရီ (ဝါ) သီအိုရီဆိုတာ အနုပညာ ဖန်တီးဖို့ သီအိုရီ မဟုတ်ပါဘူး။ စာပေသီအိုရီ ဆိုတာ ကမ္ဘာလောကကြီးကို ရှုမြင်ဖို့ အတွေးအခေါ် တစ်ခုပါပဲ။ ဒီစာအုပ်ကို အသေအချာ နားလည်အောင် ဖတ်ပြီးတဲ့အခါ ဒီအချက်ကို မြင်လိုက်ရင်ပဲ ဘာသာပြန်ဆိုရတဲ့ အဓိက ရည်ရွယ်ချက် အောင်မြင်တယ် ဆိုရပါမယ်။ စာပေသီအိုရီဆိုတာ ကမ္ဘာလောကကြီးကို ရှုမြင်တဲ့ အခါမှာ ဝတ္ထု၊ ကဗျာတွေထဲကနေ တစ်ဆင့်ရှုမြင်တာ၊ ဝတ္ထုကဗျာတွေရဲ့ သမိုင်းဆိုင်ရာတွေ၊ ဘာသာစကားဆိုင်ရာ ပြဿနာတွေ၊ ဇာတ်ကောင်တွေရဲ့ အခြေအနေတွေနဲ့ ဇာတ်ပြောပုံတွေ ဘယ်လို အလုပ်လုပ်သလဲ ဆိုတာကနေ ရှုမြင်တာကို လုပ်ပါတယ်။ သီအိုရီဆိုတာ ၁၉၇၀ ခုနှစ်ကာလများမှာမှ ပေါ်ပေါက်လာတဲ့ ပညာရပ်ဆိုင်ရာ အသစ်ပါ’ လို့ ဆရာမင်းခက်ရဲက ဒီစာအုပ်ရဲ့ အမှာစာမှာ ဆိုထားပါတယ်။ စာပေဖန်တီးသူတွေ၊ စာပေကို ဝါသနာပါသူတွေနဲ့ စာပေကို လေ့လာလိုက်စားသူတွေအတွက် အထူးအလေးပေး ဖတ်သင့်တဲ့ စာအုပ်တစ်အုပ်ပဲ ဖြစ်ပါတယ်။