ိုတဲ့ စာအုပ်လေးကို စိတ်ကူးချိုချို စာအုပ်တိုက်ကနေ ၂၀၁၉ ဇွန်လမှာ တတိယအကြိမ် ပုံနှိပ်ထုတ်ဝေလိုက်ခြင်း ဖြစ်ပါတယ်။ ဒီစာအုပ်ရဲ့ အဖွင့်ကိုတော့ ထူးအိမ်သင်ကိုယ်တိုင် သျှပ်မှူးကျော်၊ လင်းထက်၊ ရဲသင်ရန် စတဲ့ ကလောင်အမည်တွေနဲ့ ရေးသားခဲ့တဲ့ ကဗျာတွေနဲ့ နိဒါန်းပျိုးထားပြီး ထူးအိမ်သင်ကွယ်လွန်ချိန်က သူ့ရဲ့ မိတ်ဆွေ၊ လုပ်ဖော်ကိုင်ဖက်၊ ကဗျာ စာပေ ဂီတ စာနယ်ဇင်း ရုပ်ရှင် ဓာတ်ပုံ စတဲ့ အနုပညာနယ်ပယ်အသီးသီးက သူ့ကို ချစ်ခင်ကြသူတွေ ရေးသားခဲ့ကြတဲ့ အလွမ်းစာတွေကို စုစည်းဖော်ပြလို့ ထူးအိမ်သင် ကွယ်လွန်ခြင်း အမှတ်တရအဖြစ် ထုတ်ဝေထားခြင်း ဖြစ်ပါတယ်။ ဒီဇိုင်း မျိုးဆွေသန်း၊ ရွှေဂျော်ဂျော်၊ မောင်မောင်ဇော်လတ်၊ သီဟန်သွင်၊ အောင်ဝေး၊ မင်းထက်မောင်၊ ကေအေတီ၊ နီကိုရဲ၊ နိုင်ဇော်၊ နှင်းဝေငြိမ်း၊ နွယ်ဦး၊ မြင့်မိုးအောင်၊ မအိ၊ ခင်ပန်နှင်း၊ စောဝေ၊ ဝါဝါနွယ်ဦး၊ ဝဏ္ဏခွာနီး၊ မောင်သစ်မင်း၊ ငြိမ်းအေးအိမ်၊ လွမ်းဝေနိုင်၊ အောင်စိုးသူ(စတိုင်သစ်)၊ ပိတောက်မြေ အယ်ဒီတာ၊ ကြည်လင်အေး၊ မောင်သစ်မင်း+ညီညီသွင်၊ သိမ်းတင်သား၊ မြင့်မိုးအောင်၊ ဧပရယ်ဆိုးငြယ်၊ အင်ပါယာမဂ္ဂဇင်းမှ တင်ဆက်မှု၊ ညီလေးခင်၊ ကိုမျိုး IR ၊ ရုပ်ရှင်တေးကဗျာ အယ်ဒီတာ၊ စုစုစံ၊ အောင်ကျည်စိုးမြင့်တို့ရဲ့ အမှတ်တရ အလွမ်းစာတွေအပါအဝင် အခြား ချစ်ခင်သူတွေရဲ့ အမှတ်တရ စကားတွေကိုလည်း ဖတ်ရှုကြရမှာပါ။ ဒီစာအုပ်ကတော့ ကိုငှက်နဲ့ သူ့ရဲ့ သီချင်းတွေကို နှစ်သက်ချစ်ခင်သူတွေအတွက်တော့ အဖိုးတန်စာအုပ်တစ်အုပ်ပါပဲ။