းဆရာ ''အာကာခေတ်ပိုင်" ရေးသားထားတဲ့ "တိမ်ဝှက်ခံရတဲ့ကြယ်" လုံးချင်းဝတ္ထုအသစ်လေးပဲ ဖြစ်ပါတယ်။ ဒီဝတ္ထုထဲမှာတော့ တိုက်နယ်ဆရာဝန်လေးတစ်ယောက်ရဲ့ ဖြတ်သန်းကြုံတွေ့ခဲ့ရတဲ့ အတွေ့အကြုံများကို နောက်ခံထားရေးဖွဲ့ထားတဲ့ ဝတ္ထုတစ်ပုဒ်. . . ဖာလိန်ရွာလေးမှာ ရက်စက်တဲ့ ကံကြမ္မာမုန်တိုင်းတွေကြားက အရွယ်မမယ် မိပလော့ထောတစ်ယောက်ရဲ့ ဘ၀ . . . “တိမ်ဝှက်ခံရတဲ့ကြယ်” ကျွန်တော့်စကားကိုကြားချိန်တွင် မေက ထိုသို့တိုးတိုးလေး ရေရွတ်သည်။ ထို့နောက် မျက်လုံးဝိုင်းလေးနှင့် ကျွန်တော့်ကို ကြည့် နေသည်။ ကျွန်တော် ဟက်ခနဲတစ်ချက်ရယ်ပြီး. . . “မေ နားရှုပ်သွားပြီလား။ ဒီလို မေရဲ့. . .ဟိုမှာ ကြည့်ပါဦး။ တိမ်တွေကွယ်ထားတော့ ကြယ်တွေရဲ့အလင်းရောင်ကို ကောင်းကောင်း မမြင်ရတော့ဘူး။ တိမ်တွေအောက်မှ ပျောက်ကုန်တယ်။ တိမ်ဝှက်ခံရတဲ့ ကြယ်တွေပေါ့။ တကယ်တော့ မိပလော့ထောဘဝဟာလည်း တိမ်ဝှက်ခံရတဲ့ကြယ်တွေလိုပဲ အလင်းပျောက်ခဲ့ရတယ်။ အင်း မိပလော့ထောလိုပဲ တိမ်တွေအောက်မှာ အလင်းပျောက်ခဲ့ရတဲ့ကလေးတွေ လောကကြီးမှာ ဘယ်လောက်တောင်ရှိနေမလဲ” စတဲ့ ဘဝရသမျိုးစုံကို ပေးစွမ်းထားတဲ့ ဝတ္ထုကောင်းတစ်ပုဒ်ကို ဖတ်ရှုရမှာဖြစ်ပါတယ်။ မျက်နှာဖုံးပန်းချီကိုတော့ ကိုဝလုံးက ရေးဆွဲပေးထားပါတယ်။