�နားထည်ဝါလှပါတယ်။ ဒီကျမ်းကြီးကို အခြေပြုပြီး ၂၀၀၁ ခုနှစ်က ထုတ်ဝေခဲ့တဲ့ Burma’s Lost Kindoms (Splendours of Arakan) မြန်မာပြည်၏ ပျောက်ဆုံးသွားသော ဘုရင့်နိုင်ငံများ - ရခိုင်ပြည်၏ ခမ်းနားထည်ဝါမှုများ စာအုပ်ဟာ သာမန်အင်္ဂလိပ်စာဖတ်ပရိသတ်တွေတောင်မှ အလွယ်တကူ ဖတ်ရှုနိုင်ကြတာမို့ အလွန်လူကြိုက်များလှပါတယ်။ လှပရှင်းလင်းတဲ့ ရောင်စုံဓာတ်ပုံတွေနဲ့ ပူးတွဲပြီး ဝေေ၀ဆာဆာ တင်ဆက်ပေးထားတာကြောင့် သာမန်ရခိုင်ပြည်သူပြည်သားတွေတောင် နှစ်သက်ဂုဏ်ယူနိုင်လောက်တဲ့ ရခိုင်ယဉ်ကျေးမှု သမိုင်းကျမ်း ဖြစ်တယ်လို့ ဆိုပါတယ်။ ဒီကျမ်းစာအုပ်ကြောင့်ပဲ ရခိုင်ပြည်ကို နိုင်ငံတကာက သိရှိသွားကြသလို ရခိုင်လူမျိုး ရခိုင်ပြည် ရခိုင်သမိုင်း ရခိုင်ယဉ်ကျေးမှုတွေဟာ ကမ္ဘာလှည့်ခရီးသည်တွေအကြား ရေပမ်းစားသွားပြီး ဒေါက်တာပင်မလာနဲ့ သူ့စာအုပ်ဟာ ရခိုင်ပြည်အတွက် အထူးတလည် အကျိုးပြုခဲ့ပါတယ်။ ဒါကြောင့် ယခု ဘာသာပြန်ဆိုသူ ရခိုင်လူမျိုးတစ်ဦးဖြစ်တဲ့ ဆရာဝေသာဟာ ဒေါက်တာပင်မလာကို လေးစားစိတ်၊ စာအုပ်ပါ အကြောင်းများကို ဂုဏ်ယူတဲ့စိတ်အခြေခံကြောင့် ယခုစာအုပ်ကို ဘာသာပြန်ဆိုခဲ့ကြောင်း အမှာစာမှာ ဆိုထားပါတယ်။ ဒီစာအုပ်ထဲမှာတော့ အပိုင်း နှစ်ပိုင်းခွဲခြားထားပါတယ်။ အပိုင်း(၁)မှာတော့ သမိုင်းနောက်ခံ၊ အပိုင်း (၂)မှာတော့ မြို့တော်များ၊ စေတီပုထိုးများနှင့် ကျောက်ဆစ်လက်ရာများ ဆိုတဲ့ အပိုင်း ပါဝင်ပါတယ်။ ဓညဝတီ၊ ဝေသာလီ၊ လေးမြို့မြစ်ဝှမ်းမှ မြို့တော်များ၊ မြောက်ဦး၊ နတ်များနှင့် နတ်ကွန်းများ စတဲ့ အခန်းကဏ္ဍတွေပါဝင်တဲ့ ပျောက်ဆုံးနေသော ဘုရင့်နိုင်ငံတော်များ (ရခိုင်ပြည်၏ ခမ်းနားထည်ဝါမှုများ) ဆိုတဲ့ ရှေးဟောင်းရခိုင်မြို့ဟောင်း၊ ရခိုင်သမိုင်း၊ ရခိုင်ယဉ်ကျေးမှု သမိုင်းကျမ်းတစ်အုပ်ကို လေ့လာဖတ်ရှုကြည့်ကြပါဦး။