ဆိုင်ခွင့်ရဖို့ Wun Zinn to Home ကနေ Pre Order အနေနဲ့ ကြိုတင်မှာယူလို့ ရနေပါပြီ စာချစ်သူတို့ရေ။ ဘဝအောင်မြင်ရေး တက်ကျမ်းစာပေအမျိုးအစားတွေနဲ့ လူငယ်ပရိသတ်အကြား ရေပန်းစားနေတဲ့ ဆရာဖူးကျော်ဇင်ရဲ့ ဒီစာအုပ်လေးမှာတော့ အခန်းပေါင်း (၃၂)ခန်း ပါဝင်ပြီး အောင်မြင်မှုကို လိုလားကြတဲ့ လူတိုင်းအတွက် အောင်မြင်ရေးသော့ချက်တွေကို အသေးစိတ် ရေးသားဖော်ပြထားပါတယ်။ ဒီစာအုပ်နဲ့ ပတ်သက်ပြီး ဆရာဖူးကျော်ဇင်က ဒီလို ဆိုထားပါတယ်။ ‘အမေရိကန် အောင်မြင်ရေးစာရေးဆရာကြီး ဇစ်ဇစ်ဂလာ (Zig Ziglar) ကပြောတယ်။ လူတွေကို အောင်မြင်အောင်ကူညီမယ်ဆိုရင် သင်ကိုယ်တိုင်လည်း အောင်မြင်လာလိမ့်မယ်တဲ့။ ကျွန်တော်ကိုယ်တိုင် အောင်မြင်မှုကို လိုလားသလို၊ အောင်မြင်မှုကိုလိုလားကြတဲ့ လူတိုင်းကိုလည်း အောင်မြင်စေလိုပါတယ်။ လူတွေရဲ့ ကိုယ်တွင်းမှာ ပါရမီတွေ၊ အစွမ်းအစတွေ ရှိကြပါတယ်။ အောင်မြင်လိုစိတ်တွေလည်း ကိန်းအောင်းနေကြပါတယ်။ ဒါတွေကို နှိုးဆွပေးလိုက်ရုံနဲ့ သူတို့ကိုယ်ထဲက အစွမ်းအစတွေဟာ အငြိမ်မနေနိုင်ဘဲ စွမ်းအားတွေအဖြစ်ပြောင်းလဲ ထွက်ပေါ်လာပြီး ဘဝတစ်ခုလုံး တိုးတက်ပြောင်းလဲအောင် ဆောင်ရွက်ပါလိမ့်မယ်။ ဒီစာအုပ်က သင့်ကိုယ်တွင်းက အစွမ်းအစတွေ ထွက်ပေါ်လာအောင် နှိုးဆွပေးပြီး သင့်ဘဝကို အောင်မြင်အောင် ကူညီနိုင်လိမ့်မယ်လို့ လုံးဝ ယုံကြည်ပါတယ်။ ဒါကြောင့် ဒီစာအုပ်နဲ့အတူ သင့်အောင်မြင်မှုကို အမြန်ဆုံးတည်ဆောက်လိုက်ပါ။ ပြီးတော့ တခြားသူတွေရဲ့ ဘဝတွေ အောင်မြင်အောင်လည်း မြှင့်တင်လမ်းပြပေးပါ။ ဒီလိုကူညီခြင်းအားဖြင့် သင်ကိုယ်တိုင်လည်း သေချာပေါက်ပိုမိုတိုးတက်အောင်မြင်လာမှာဖြစ်ပါတယ်။ လူတွေရဲ့ ဘဝတွေကို အောင်မြင်သွားအောင် စေတနာ စိတ်ဓာတ်အပြည့်နဲ့ ကူညီပေးမယ်ဆိုရင် သင့်ကူညီမှုဟာ ပဲ့တင်သံတွေလိုပဲ သင့်ထံပြန်လာမှာဖြစ်ပါတယ်။ ဒါဟာ “အောင်မြင်ရေးပဲ့တင်သံ” ဖြစ်ပါတယ်။ ကျွန်တော်ကိုယ်တိုင်လည်း ယုံယုံကြည်ကြည်နဲ့ လုပ်ဆောင်နေပါတယ် ။ သင်နဲ့အတူ အောင်မြင်ဖို့ ဒီစာအုပ်ကို လက်ထဲအရောက်ပို့လိုက်ပါပြီ … ’ တဲ့။ အမှတ်တရလက်မှတ်နဲ့ စာအုပ်တွေကို ပိုင်ဆိုင်နိုင်ဖို့ အခုပဲ မှာယူလိုက်ကြပါစို့။