်နှင့်အညီ သီတင်းသုံး နေထိုင်ကြသော ဘုန်းတော်ကြီးများလည်း ရှိသည်’ … (သိန်းဖေမြင့်) တစ်ခေတ်တစ်ခါက အလွန်အင်မတန်မှ ကျော်ကြားခဲ့တဲ့ ဆရာသိန်းဖေမြင့်ရဲ့ ‘တက်ဘုန်းကြီး’ ဝတ္ထုကိုတော့ စာချစ်သူတွေအနေနဲ့ မဖတ်ဖူးရင်တောင် နာမည်တော့ ကြားဖူးကြပြီးသား ဖြစ်မှာပါ။ အခု စာအုပ်ကတော့ (၂၀၁၃) ခုနှစ်၊ သြဂုတ်လက တတိယအကြိမ်အဖြစ် ပိတောက်ရနံ့ စာအုပ်တိုက်က ထုတ်ဝေခဲ့တဲ့စာအုပ်ပါ။ ဆရာဇော်ဂျီက ဒီ တက်ဘုန်းကြီး ဝတ္ထုဟာ သာသနာပြုဝတ္ထုလို့ ရည်ညွှန်းခဲ့ပါတယ်။ ဦးသုဓဇဆိုတဲ့ ဘုန်းကြီးတစ်ပါး၊ ဒီ ဦးသုဓဇဟာ သင်္ကန်းရဲ့ ဂုဏ်၊ အသံသြဇာရဲ့ ဂုဏ်တွေနဲ့ လူထုပရိသတ်တွေကို လိမ်လည်နေတဲ့ ဘုန်းကြီး ဖြစ်သလို တရားဟောတဲ့နေရာမှာတောင် အခမ်းအနားနဲ့ ကြိုဆိုခံပြီး ပန်းပလ္လင်နဲ့မှ တရားဟောချင်တဲ့ ဘုန်းကြီး။ ဒီလို အလဇ္ဇီ ရဟန်းအတုအယောင်တွေရဲ့ သာသနာညှိုးနွမ်းအောင် ပြုမူမှုတွေကို ကွက်ကွက်ကွင်းကွင်း ရေးသားဖော်ပြထားတဲ့ ဆရာသိန်းဖေမြင့်ရဲ့ တက်ဘုန်းကြီး။ သာသနာတော် သန့်ရှင်းရေးအတွက် ရည်ရွယ်ရေးသားခဲ့တဲ့ တက်ဘုန်းကြီး။ မဖတ်ဖူးသေးရင် ဖတ်ကြည့်ကြပါဦး စာချစ်သူတို့ရေ။