ကတော့ ‘လမ်း’ ဖြစ်ပြီး ဆရာဒီနိုဗိုရဲ့ လက်ရာ ဝတ္ထုတိုတွေကို စုစည်းထားတဲ့ စာအုပ်လေး ဖြစ်ပါတယ်။ အမှာစာမှာ ဖော်ပြထားပုံအရတော့ ဒီစာအုပ်ထဲမှာ ပါဝင်တဲ့ ဝတ္ထုတိုတွေဟာ ဆရာဒီနိုဗိုရဲ့ စာရေးသက် နှစ်(၂၀)ကျော်အတွင်း ရေးသားခဲ့တဲ့ ဝတ္ထုတိုတွေထဲကမှ မတူကွဲပြားတဲ့ စာမူတွေကို သေသေချာချာ ရွေးချယ်ထည့်သွင်းထားသလို စမ်းသပ်ရေးသားထားပြီး ဘယ်မဂ္ဂဇင်းကိုမှ မပို့ဖြစ်တဲ့ အရေးအသားတွေလည်း ပါဝင်ပါတယ်။ ဒါ့အပြင် စိစစ်ရေးကြောင့် မဂ္ဂဇင်းတွေမှာ ဖော်ပြခွင့်မရခဲ့တဲ့ ဝတ္ထုတိုတွေလည်း ပါဝင်တယ်လို့ ဆိုထားပါတယ်။ ဒီစာအုပ်မှာပါတဲ့ ဝတ္ထုတိုတွေထဲက ကောက်နှုတ်ချက်တွေကိုလည်း အမြည်း ဖတ်ရှုကြည့်ကြပါဦး။ ‘ဘာကြောင့်ဆို … လမ်းကလည်း အစအဆုံး လျှောက်ဖို့ဆိုတာ ရှည်လျားလွန်းနေခဲ့တယ် မဟုတ်လား’ (လမ်း … မှ) ‘ထိုအပြုံးထဲတွင် လောက၏ ရှိမှု သိမှု အားလုံး ပျောက်ဆုံးလို့၊ ထိုအပြုံးထဲတွင် အမှန်အမှား အကောင်းအဆုံး အားလုံး ပျောက်ဆုံးလို့၊ ထိုအပြုံးထဲတွင် အချိန်နှင့် နေရာ အားလုံး ပျောက်ဆုံးလို့ …’ (စိတ်ကူးမရတဲ့အရာ … မှ) ‘ကျွန်တော်ဟာ တစ်စုံတရာကို အသေအချာ သိရှိရမှာ ကြောက်သွားခဲ့ပါပြီ။ မသိမှုထဲမှာ နစ်မွန်းနေတယ်ပဲ ပြောပြော၊ ေ၀ဝါးမှုမှာ ကိန်းဝပ်နေတဲ့ အလှတရားကိုပဲ ကျွန်တော် တမ်းမက်နေမိတော့တယ်’ (ကြိုးဖြစ်သွားတဲ့မြွေ … မှ) ကဲ … ဆရာဒီနိုဗိုရဲ့ စာအုပ်သစ်လေး ထွက်ရှိလာရင် ဖတ်ဖို့အသင့်ပဲ မဟုတ်လား။ မကြာခင် ရက်ပိုင်းမှာ ထွက်ရှိလာတော့မယ့် ဒီစာအုပ်သစ်လေးကို Wun Zinn to Home ကနေ ကြိုတင်မှာယူထားလို့ ရနေပါပြီနော်။