ွေ့ခဲ့ရတဲ့ အဖြစ်အပျက်လေးတွေကို ကြိုးစားပြီး ရေးသားထားတာပါ။ ကြုံတွေ့ခဲ့ရတဲ့ အဖြစ်အပျက်ကလေးတွေဆိုလို့ ဖြစ်ရပ်မှန်တွေချည်းလို့ မယူဆစေချင်ပါ။ စိတ်ကူးအိပ်မက်တွေလည်း ပါပါတယ်။ အဖြစ်မှန်နဲ့ စိတ်ကူးကို ပေါင်းစပ်ရေးဖွဲ့ထားတာပါ။ ကျောင်းသားဘဝ၊ လူငယ်သဘာဝကို မေတ္တာဖွဲ့ ဇာတ်လမ်းစုအနေနဲ့ တတ်သလောက် မှတ်သလောက် ရေးဖွဲ့ထားတာပါ’ ဆိုတဲ့ စာရေးသူရဲ့အမှာစာနဲ့ ထွက်ရှိလာခဲ့တဲ့ ဒီစာအုပ်ကတော့ ကိုရွှေမိုး(စီးပွားရေးတက္ကသိုလ်)ရဲ့ ပထမဆုံးလက်ရာ လုံးချင်းဝတ္ထုရှည် ဖြစ်ပါတယ်။ တက္ကသိုလ်နောက်ခံ မေတ္တာဖွဲ့ဇာတ်လမ်း၊ လူငယ်သဘာ၀ ကျောင်းသားတို့ရဲ့ ချစ်ခြင်း၊ တသသ ဖတ်ရှုကြရမှာပါ။