စာရေးသူ - ကိုကိုအောင်
စာမျက်နှာ - ၁၅၀
‘သင့်ဘ၀ အခြေအနေတွေကို ပြောင်းပစ်ချင်ရင် ပထမဆုံး သင့်ရဲ့ အတွေးအခေါ် အယူအဆတွေကို ပြောင်းပစ်ရပါလိမ့်မယ်’ တဲ့။
ဒီစာအုပ်ကတော့ သင်းစာပေကနေ၊ မတ်လ၊ ၂၀၁၉ မ�
��ာ ထွက်ရှိခဲ့တဲ့ အတွေးအမေး စာစုတွေကို စုစည်းမှု စာအုပ်လေးပဲ ဖြစ်ပါတယ်။
‘ကျွန်တော်တို့တွေ နေ့စဉ်ဘဝကို ကြိုတင်ပြင်ဆင်မှု အသေအချာမရှိဘဲ အရေးပေါ်တွေနောက် တကောက်ကောက်လိုက်ရင်း ဘဝအိမ်စာတွေ မကျေညက်ခဲ့လို့ မနက်ဖြန်တွေ ခက်နေခဲ့ကြရတာလို့ ဆင်ခြင်သုံးသပ်မိပါတယ်။ ဖြစ်ချင်တာတွေနောက် လိုက်ရင်း ဖြစ်နိုင်တာတွေကို မခွဲခြား မစီမံနိုင်တော့ မစဉ်းမစား လုပ်မိခဲ့ပြီး လက်တွေ့မှာ ဖြစ်သင့်တာတွေနဲ့ ဝေးခဲ့ရတယ်။ လက်ရှိဘဝကို အငြင်းပွားစရာ နေ့ရက်တွေအဖြစ်နဲ့ပဲ ဖြတ်သန်းနေခဲ့ကြရတယ်။ ဒါကြောင့် အတွေးစကားစုတွေကို မေးစရာ စာစုလေးတွေအဖြစ် ဘဝအမောတွေ ပြေစေနိုင်ဖို့ ကာတွန်းပန်းချီလေးတွေနဲ့ အငြင်းမပွားနဲ့ စဉ်းစား ဆိုတဲ့ ဒီစာအုပ်လေးကို ဖန်တီးဖြစ်ခဲ့ပါတယ်’ လို့ စာရေးသူ ကိုကိုအောင်က အမှာစာမှာ ဆိုထားပါတယ်။ ရုပ်ပုံလေးတွေနဲ့ သရုပ်ဖော်ထားတဲ့ စာစုတွေကို ဖတ်ရှုရင်း စဉ်းစားကြည့်ကြပါစို့။
