��ာ အားလုံး အသိပါပဲ ။ စင်္ကာပူနိုင်ငံ ရဲ့ တိုးတက် ဖြစ်ထွန်းလာမှုသမိုင်းကို ပြောကြရင် ပြည်သူ့လှုပ်ရှားမှုပါတီ (ပီအေပီ ) နဲ့ လီကွမ်ယု အကြောင်းဟာ မပါမပြီးပါပဲ ။ အာဏာရှင်ဆန်တယ် ပြောကြပေမဲ့ လီကွမ်ယု ဟာ တိုင်းပြည်ကို ကမ္ဘာ့အလယ်မှာ ထယ်ဝါဝင့်ကြွားစေခဲ့တယ် ဆိုတာ ငြင်းမရတဲ့ အမှန်တရားပါ ။ ဒီလို ထူးချွန်ထက်မြက်တဲ့ ကမ္ဘာကျော် ခေါင်းဆောင် လီကွမ်ယု အနားယူတဲ့အခါမှာ ဘယ်သူက ဆက်ခံပြီး တိုင်ပြည်ကို ဦးဆောင်မလဲ ဆိုတဲ့ မေးခွန်းကို စင်ကာပူ နိုင်ငံသားတွေ သာမက တစ်ကမ္ဘာလုံး စိတ်ဝင်စားနေကြတာလည်း အမှန်ပါပဲ ။ သာမန် မိသားစုတစ်ခု ထဲမှာ ကြီးပြင်းလာပြီး အစိုးရ အထောက်အပံ့နဲ့ တက္ကသိုလ် တက်လာတဲ့ သူတစ်ယောက် ။ ဘောဂဗေဒ ဘာသာရပ်မှာ ထူးချွန်သူ ၊ ဘွဲ့ရပြီးနောက် အစိုးရအလုပ်မှာ မပျော်လို့ အလုပ်ထွက်လိုက်တယ် ။ အရှုံးပေါ်နေတဲ့ သဘောၤလုပ်ငန်းမှာ ၃နှစ်အတွင်း အမြတ်ရစေမယ် ဆိုတဲ့ ကတိစကား နဲ့ အလုပ်ဝင်ခဲ့သူ ။ အစိုးရအဖွဲ့က သူ့ကို မျက်စိကျသွားပြီး နိုင်ငံရေးလောကထဲ ဆွဲခေါ်လာခဲ့တယ် ။ သူကတော့ ဂိုချောက်တောင် ပါပဲ ။ ဂိုချောက်တောင် ဟာ လီကွမ်ယု နေရာမှာ စင်္ကပူ ဝန်ကြီးချုပ် အဖြစ် ၁၉၉၀ နိုဝင်ဘာလ ကနေ ၂၀၀၄ သြဂုတ်လ အထိ တာဝန်ထမ်းဆောင်ခဲ့ပါတယ် ။ ဂိုချောက်တောင် ဟာ ဘယ်လိုလူမျိုးလဲ ဆိုတာ ဒီစာအုပ်ထဲမှာ အရှင်းလင်းဆုံး သိရမှာ ဖြစ်ပါတယ် ။ အစောပိုင်းကာလများ မှာ စကားပြောလည်း မကောင်း ၊ စကားသံကလည်း ပီသ ကြည်လင်ခြင်း မရှိတာကြောင့် ပါတီလူကြီး တွေက လူထု ထဲမှ တိုက်ပွဲဝင်သမား လီကွမ်ယု လောက် အမှတ်မပေးကြ ။ ဂိုချောက်တောင် ကလည်း ဒါကို သိပါသည် ။ ဂိုချောက်တောင် ဟာ လီကွမ်ယု လက်ထက်ကလို မဟုတ်ဘဲ " ပိုမိုကြင်နာပြီး ပိုမို နူးညံ့သော သော နိုင်ငံ " အဖြစ် ဖေါ်ဆောင်ခဲ့တယ် ။ လီကွမ်ယု ကတော့ အဲဒီစကားကို မကြိုက်ဘူးလို့ ဆိုပါတယ် ။ စကားလုံးတွေက ပျော့ညံ့လို့ပါတဲ့ ။ ဒါပေမဲ့လည်း ဂိုချောက်တောင် ဟာ သူ့နည်း သူ့ဟန်နဲ့ စင်္ကပူ နိုင်ငံကို ပဲ့ကိုင်ခဲ့တာ အောင်မြင်ခဲ့ကြောင်း အားလုံး သိကြမှာပါ ။ ဂိုချောက်တောင် ဟာ သူ့ရှေ့က ခေါင်းဆောင်တွေရဲ့ တော်တဲ့အချက်တွေကို ပြောကြားသွားပြီး သူကတော့ ပြည်သူတွေကို အချက်အလက်များသာ ချပြသည့် သူတစ်ယောက်သာ ဖြစ်ကြောင်း နှိမ့်ချစွာ ပြောသွားပါတယ် ။ ဂိုချောက်တောင်၏ အရပ် ကလန်ကလားကြီးကို ကြည့်ပြီး အသားလွတ် ကြည့်မရသူတွေလည်း ရှိ၏။ "ဂို" က မာနကြီးတယ် ၊ ပြည်သူတွေကို လည်း အဖက်မလုပ် ဟု ပြောကြသည် ။ ထိုအတွက် "ဂို" က သူတော်တော် အံ့သြခဲ့ရသည်ဟု ပြောသည် ။ သူသည် ရိုးသား ၊ နှိမ်ချစွာ နေထိုင်တတ်ပြီး ပြည်သူလူထုအတွက် သူ့တံခါးများကို အမြဲဖွင့်ထားကြောင်းကိုပါ "ဂို" နှင့် ရင်းရင်းနှီးနှီး သိသူများက ထောက်ခံပြောကြပါတယ် ။ ကျွန်တော်က ခေါင်းဆောင် ဖြစ်ချင်ပာတယ်လို့ တစ်ခါမှ မတောင်းဆိုဖူးပါဘူး ။ စနစ်ကြီးကို အတင်းပြောင်းမယ်လို့လည်း မကြွေးကြော်ခဲ့ဖူးပါဘူး။ ပေါ်လစီ တွေများနေလို့ အတင်းပြောင်းပစ်ကြမယ် လို့လည်း မပြောဖူးပါဘူး ။ ကျွန်တော်တို့ နိုင်ငံရေးလောကထဲ ဝင်လာတာ နိုင်ငံရေး တတ်လို့ မဟုတ်ပါဘူး ။ တိုင်းပြည်အတွက် ကျရာနေရာက ကူညီဖို့ပါ ။ လူကြီးတွေက ရာထူးပေးလို့ ယူကြရတာပါ ဟု ဂိုချောက်တောင် က ရိုးရိုးသားသားပင် ပြောသွားပါတယ် ။ "လူအားလုံး အတွက် ပိုမိုကောင်းမွန်သော ဘဝတွေ ဖန်တီးပေးဖို့ ကျွန်တော်တို့ အကြွေးတင်နေတယ် ။ ကျွန်တော်တို့ အတွက်သာ မဟုတ်ဘူး ၊ လူသားအားလုံး အတွက် လုပ်ပေးရမှာ " လို့ ၂၀၀၃ ခုနှစ်မှာ ဂိုချောက်တောင် ကြွေးကြော်ခဲ့ပါတယ် ။ ဒီစာအုပ် ဖြစ်ပေါ်လာဖို့ စာရေးဆရာ ပေရှင်ဟွေ့ က ဂိုချောက်တောင် ရဲ့ ရုံးခန်းကို ၁၂ကြိမ် သွားရောက် မေးမြန်းခဲ့တယ် ။ ဂိုချောက်တောင် ရဲ့ ကလေးဘဝက သူငယ်ချင်းတွေ ၊ ဆရာ ဆရာမတွေ ၊ လုပ်ဖော်ကိုင်ဖက်တွေ ၊ လွှတ်တော်အမတ်တွေ ၊ နိုင်ငံရေးခေါင်းဆောင်တွေ ၊ သံတမန်တွေ ၊ ဝန်ကြီးအဖွဲ့နဲ့ ဝန်ကြီးချုပ် လီရှင်လုံး ကိုပါ မေးမြန်းခဲ့ပြီးမှ ရေးသားခဲ့ပါတယ် ။ လီကွမ်ယု ခေတ်လွန် စင်္ကာပူ နိုင်ငံကို ပဲ့ကိုင်ခဲ့တဲ့ ၊ ရိုးရှင်းတဲ့ ဘဝမှာနေတဲ့ ဝန်ကြီးချုပ် ဂိုချောက်တောင် ရဲ့ အကြောင်းနဲ့ သူ့ခေတ်အခါက စင်္ကာပူ ရဲ့ပုံရိပ်တွေကို သိရှိ နိုင်ဖို့ ဒီစာအုပ်ကို ဖတ်ရှုလေ့လာသင့်ပါတယ် ။ ဂိုချောက်တောင် အကြောင်း ဒီစာအုပ်က ခေတ်သစ် နိုင်ငံရေးသိပ္ပံကို ဆည်းပူးလေ့လာ သူတိုင်း ဖတ်ရှုသင့်ပါတယ်လို့ ဘာသာပြန်သူ ဆရာဟိန်းလတ်က ညွှန်းဆို ခဲ့ပါတယ် ခင်ဗျာ ။