�နဲ့ … ထိပ်ဆုံးကနေ နာမည်တပ် ပြောရရင်တော့ အစ်ကိုပေါ့’ ဖရော်ဆန် လူငယ်ပရိသတ်အကြိုက် ဖရော်ဆန်ရဲ့ စာအုပ်သစ် ထွက်ရှိလာပါပြီ။ ဒီတစ်ခါတော့ အစ်ကိုသို့ … လို့ အမည်ပေးထားတဲ့ ကဗျာနဲ့ စကားပြေစုတွေ ပါဝင်တဲ့ စာအုပ်လေးပါ။ ‘လွမ်းစရာရှိမှ လွမ်းရမှာတဲ့လား အကိုရာ တစ်ခါမှအတူထိုင်မစားဖူးခဲ့တဲ့ ထမင်းဆိုင် ဘယ်တော့မှအတူမတက်ခဲ့ဖူးတဲ့ ဘုရားစောင်းတန်းနဲ့ အမြဲတမ်း မပြောမဆိုစိတ်ကောက်နေတတ်တဲ့ လူတစ်ယောက်ကိုလေ '' ကိုယ်မှ မင်းနဲ့အချိန်အကြာကြီး မခေါ်မပြောပဲမနေနိုင်တာ …'' လို့ တောင်းပန်တိုးလျိုးတတ်တဲ့ စကားသံတိုးတိုးလေး ကျနော်… ပြန်မျှော်နေမိခဲ့သေးလားတော့ မသေချာ ''ချုပ်နှောင်ခံထားရတဲ့ဘဝကို သိပ်မုန်းတာပါပဲ '' လို့ ပြောဖူးတဲ့ လူတစ်ယောက် ''ဘယ်အချိန်ဖြစ်ဖြစ် ဖုန်းခေါ်နော် ''ဆိုပြီး တိခနဲဖြတ်ချခဲ့တဲ့ ဆက်ဆံရေးတွေ ကျနော်ဟာ သတိရမိတိုင်း တဆစ်ဆစ်နဲ့ နာနာကျင်ကျင်’ _ဖရော်ဆန် _ ကဲ … ဖရော်ဆန်ရဲ့ ပရိသတ်တွေအတွက်တော့ ကျေနပ်စရာ ဖြစ်လိမ့်မယ် ထင်ပါတယ်။ ဖတ်ကြည့်ကြပါဦး။