��ှာ အင်းစိန်စီအိုင်ဒီရဲ့ ဟီးရိုး၊ ပြည်သူ့အချစ်တော် ဥပဒေဘက်တော်သား စုံထောက်တစ်ဦးအဖြစ်နဲ့ သေရဲသတ်ရဲပြီး မိုက်ကန်းကြမ်းတမ်းလှပါတယ်ဆိုတဲ့ လူဆိုးလူမိုက် ရာဇဝတ်သားတွေကို လက်ထိပ်ခတ်ခဲ့တဲ့ ဆားပုလင်းနှင်းမောင်။ ဆားပုလင်းနှင်းမောင်နဲ့ အိုင်ပီအောင်သင်းတို့ တွဲဖက်ပြီး လိုက်ခဲ့တဲ့ အမှုများစွာကို ဝတ္ထုရှည်ပေါင်းများစွာ ဖတ်ခဲ့ကြပြီးပါပြီ။ ဆားပုလင်းနှင်းမောင် လိုက်ခဲ့တဲ့ အမှုငယ်တွေကိုတော့ ဆရာကြီးမင်းသိင်္ခက ဝတ္ထုတိုတွေအဖြစ် ရေးခဲ့ပါတယ်။ အခု စာအုပ်ကတော့ ဇာတ်လိုက်ကျော် ဆားပုလင်းနှင်းမောင်ရဲ့ တရားခံဖမ်းပွဲ အမှုတွဲတွေကို ရေးသားထားတဲ့ ဝတ္ထုတိုပေါင်းချုပ် (စဆုံး) ထုတ်ဝေမှု ဖြစ်ပါတယ်။ အိုင်ပီအောင်သင်းနဲ့ ဆားပုလင်းနှင်းမောင်တို့ ချောက်မြို့ဂါတ်မှာ စတင်ဆုံတွေ့ရင်းနှီးပြီး ပထမဆုံး အတူတွဲလိုက်ခဲ့တဲ့ ဆားပုလင်းနှင်းမောင်နှင့် ဂျူးမျက်လှည့်ဆရာသတ်မှု ဝတ္ထုကစလို့ ဆားပုလင်းနှင်းမောင်နှင့် ဧကံသဂိုဏ်း ဝတ္ထုအထိ စုစုပေါင်း ဝတ္ထုတို (၃၂)ပုဒ် ပါဝင်ပါတယ်။ ကျွန်တော်တို့ရဲ့ ငယ်ဘဝတစ်လျှောက်မှာ လွှမ်းမိုးခဲ့တဲ့ စုံထောက်ကျော် ဆားပုလင်းနှင်းမောင်ရဲ့ အမှုတွဲတွေကို အားပါးတရ ဖတ်ရှုရင်း ဆားပုလင်းနှင်းမောင်နဲ့အတူ လူသတ်မှု သဲလွန်စတွေ ခြေရာခံလိုက်ကြရအောင်ဗျာ။