��ည်း ပြန်ပြောပြကြလို့ အတိုင်းအထက် အလွန်ဝမ်းမြောက် ဝမ်းသာဖြစ်ရပါတယ်။ တချို့ကလည်း ကိုယ်ပိုင်စီးပွားရေး လုပ်ငန်းတွေထဲမှာ အသုံးဝင်လို့ ကျေးဇူးတင်ကြောင်း တကူးတက လှမ်းပြောကြပါတယ်။ ဒီစာအုပ်ကို ဘယ်သူတွေ ဖတ်သင့်သလဲဆိုရင် - ၁။ Engineering ကျောင်းတတ်နေဆဲ လူငယ်တွေ ၂။ ကျောင်းပြီးကာစ Engineer/QS တယောက်အဖြစ် အလုပ်ဝင်ဖို့ အလုပ်ရှာနေတဲ့လူငယ်တွေ ၃။ လောလောဆယ် Engineer/QS အဖြစ် လုပ်ကိုင်နေပြီး Professional တယောက်ဖြစ်ဖို့ ကြိုးစားနေသူတွေ ၄။ Contractor တယောက်အဖြစ် ကိုယ်ပိုင်လုပ်ငန်း လုပ်ကိုင်နေကြသူတွေ ၅။ Electrical, ELV နဲ့ Mechanical Engineering ပိုင်းကို စိတ်ဝင်စားတဲ့ သူတွေဖတ်သင့်ပါတယ်။ ဒီစာအုပ်ထဲမှာ M&E QS တစ်ယောက်အဖြစ် ကျွန်တော့်ရဲ့ ၉ နှစ်နီးပါး အတွေ့အကြုံတွေ၊ သင်ခန်းစာတွေ Enginnering Knowledges တွေ အများကြီးကိ ဖတ်ရှုရမှာ ဖြစ်ပါတယ်။ Engineering စာအုပ်တစ်အုပ်ပေမယ့် ကိုယ်ပိုင် အတွေ့အကြုံတွေကို အခြေခံထားပြီး ရေးသားထားတဲ့အတွက် စာတွေက မလေးဘဲ အလွယ်တကူနားလည် သဘောပေါက်စေနိုင်ပါတယ်။ ဒီစာအုပ်ကို M&E QS Notes လို့ စာအုပ်နာမည်ပေးထားပေမယ့် အဓိက Electrical, ELV နဲ့ ACMV အပိုင်းတွေပဲ ပါဝင်ပါတယ်။ ဒီအပြင် Tender Projects တွေအတွက် အရေးတကြီး သိရမယ့်အချက်တွေ Tender/Contract and Documentation အပိုင်းတွေလည်း ပါဝင်ပါတယ်။ Engineer တစ်ယောက်ဖြစ်လာပြီဆိုရင် - ၁။ Technical ပိုင်း ကျွမ်းကျင်ဖို့၊ ၂။ Drafting ပိုင်း ကျွမ်းကျင်ဖို့၊ ၃။ Commercial ပိုင်း ကျွမ်းကျင်ဖို့၊ ၄။ Management ပိုင်း ကျွမ်းကျင်ဖို့ လိုပါတယ်။ အနည်းဆုံး တစ်ခုခုတော့ ကျွမ်းကျင်ဖို့ လိုပါတယ်။ Technical ပိုင်း ကျွမ်းကျင်ရင် Design Enginner, Project Enginner, Design Manager, Technical Manager ကနေ Director Level အထိ တတ်လှမ်းလို့ ရနိုင်ပါတယ်။ Drafting ပိုင်း ကျွမ်းကျင်ရင်တော့ Drafter, BIM Coordinator, BIM Manager, Design Engineer, Design Manager အထိ လျှောက်လှမ်းနိုင်ပါတယ်။ Commercial ပိုင်း ကျွမ်းကျင်ရင်တော့ Sale Enginner, Sale Manager, QS-Enginner, QS Manager ကနေ Contract Manager, Commercial Director အထိသွားလို့ ရပါလိမ့်မယ်။ Management ပိုင်း ကျွမ်းကျင်ရင် Project Coordinator, Project enginner, Site Enginner, Project Manager, Project Director အစရှိတဲ့ Level တွေအထိ ကြိုးစားရင် ကြိုးစားသလောက် တတ်လှမ်းနိုင်ပါတယ်။ စင်ကာပူနိုင်ငံမှာ Manager Level အဆင့်တွေကို စင်ကာပူမှာ Degree, Master Degree ကျောင်းပြီးတဲ့ သူတွေကို ပေးတာများပါတယ်။ ဒါကြောင့်မလို့ ဖြစ်နိုင်ရင် ငယ်သေးတဲ့သူတွေက စင်ကာပူက ကျောင်းတွေဆက်တတ်သင့်ပါတယ်။ အပေါ်က ပြောခဲ့အရာတွေ ကျွမ်းကျင်ဖို့ဆိုရင် အနည်းဆုံး ၅ နှစ်လောက် တစိုက်မတ်မတ် လေ့လာဖို့လိုပါတယ်။ Project Engineer တစ်နှစ်လောက်လုပ်လိုက်၊ Desgin Enginner တစ်နှစ်လောက် လုပ်လိုက်၊ ပြီးရင် QS တစ်နှစ်လောက် ဝင်လုပ်လိုက်ဆိုရင်တော့ ဘယ်လိုင်းကိုမှ ကျွမ်းကျင်လာမှာ မဟုတ်ပါဘူး။ အဲဒီတော့ ကိုယ့်ကိုကိုယ် ပြန်မေးကြည့်ပါ။ ပုံဆွဲတာ ဝါသနာလား။ အတွက်အချက် ဝါသနာပါလား။ Site မှာ လူအများကြီးနဲ့ အော်လိုက်ဟစ်လိုက် လုပ်နေရတာ ဝါသနာပါလား။ ကိုယ်နဲ့ ယ်အလုပ်တွေက သက်တောင့်သက်သာ ရှိစေလဲ။ ကိုယ့်ကိုယ်ကိုယ် မညာတမ်းမေးပါ။ အမှန်တိုင်းပြောရင် မေးတာထက် ပိုကောင်းတာတွေ လက်တွေ့ဝင်လုပ်ကြည့်တာ ပိုကောင်းပါတယ်။ အဲဒါမှ ကိုယ်တကယ် လုပ်နိုင်မလုပ်နိုင် ပိုပြီးသိလာပါတယ်။ ကိုယ်သက်တောင့်သက်သာ ရှိစေတဲ့ Professional လိုင်းကို ရွေးပါ။ အလုပ်ဝင်ကာစ လစာကို မမက်ပါနဲ့။ သင်တော်တဲ့ လစာတစ်ခုကစပြီး လုပ်ပါ။ အလုပ်အတွေ့အကြုံတွေတတ်နိုင်သမျှရနိုင်သလောက် သင်ယူပါ။ အလုပ်ထဲမှာ လူတိုင်း နေရာတိုင်း အခြေအနေတိုင်းကနေ သင်ယူပါ။ အရေးကြီးတာက အမြဲတမ်း အခြေခံတွေ ပိုင်နိုင်ပါစေ။ ဒါကြောင့် စိတ်ရှည် သည်းခံပြီး ဘဝအောင်မြင်ရေး လမ်းမပေါ် တစ်လှမ်းခြင်း လျှောက်လှမ်းနိုင်ပါစေလို့ ကိုယ့်ထက်အငယ် Engineer ကောင်းတစ်ယောက်အဖြစ် ရပ်တည်ဖို့ ကြိုးစားနေတဲ့ ညီငယ် ညီမငယ်တွေကို တိုက်တွန်းရပါတယ်။ ရဲမျိုး