‘တင်မိုး ဟု ဆိုလိုက်လျှင် နိုင်ငံကျော် ကဗျာဆရာကြီးဟူ၍ အများ သိကြပါသည်။ သို့ဆိုလျှင် ဤစာစုသည် မြန်မာစာကို လေးမြတ်ချစ်ခင်စေလိုသော စေတနာဖြင့် နိုင်ငံကျော် ကဗျာဆရာကြီးက လူငယ်များကို အမြတ်�
��နိုး ပေးခဲ့သော ကဗျာလိုလှသည့် စာလက်ဆောင် ဖြစ်သည်ဟု ဆိုနိုင်ပါလိမ့်မည် …’
ဒီစာအုပ် ဒုတိယအကြိမ် ထုတ်ဝေခြင်းအဖြစ် ဆရာမောင်ခင်မင်(ဓနုဖြူ)က အထက်ပါအတိုင်း ညွှန်းဆိုထားပါတယ်။ ဒီစာအုပ်ထဲက စာစုတွေထဲမှာ ပန်းလက်ဆောင်အစမ်းစာများနဲ့အတူ အခြား ကောင်းနိုးရာရာ စာတွေကိုပါ မြန်မာစာပဒေသာအဖြစ် စုစည်းထားပါတာမို့ လိုရာယူသုံးနိုင်တဲ့ မြန်မာစာပေဟင်းပေါင်းအိုးပါပဲ။ ကျောင်းသားလူငယ်တွေအတွက်ရော၊ စာချစ်သူတွေအတွက်ရော၊ စာပေဝါသနာရှင်တွေအတွက်ပါ အကျိုးရှိစေမယ့် စာအုပ်ကောင်းတစ်အုပ် ဖြစ်ပါတယ်။
