ook House ကနေ ဒုတိယအကြိမ် ထုတ်ဝေလိုက်တာပဲ ဖြစ်ပါတယ်။ ဆော်ဒီအာဒေးဗျ နိုင်ငံအကြောင်း၊ ထိုနိုင်ငံမှ မင်းသမီးအကြောင်းကို ထိုနိုင်ငံမှာ ၁၂ နှစ်ကြာ နေထိုင်ကာ ထဲထဲဝင်ဝင် လေ့လာခဲ့သူ Jean Sasson ရေးသားခဲ့တဲ့ Princess (A True Story of Life Behind the Veil in Saudi Arabia) စာအုပ်ကို ဆရာမ ရွှေကူမေနှင်း ဘာသာပြန်ဆိုထားတာ ဖြစ်ပါတယ်။ မူရင်းစာရေးသူဟာ ဆော်ဒီမှာ ၁၂နှစ်ကြာ နေခဲ့စဉ်က ငယ်ရွယ်နုနယ်ချောမောရုံသာမက ချစ်စရာလည်းကောင်း၊ ဉာဏ်လည်းရှိ၊ လွတ်လပ်ပွင့်လင်းတဲ့ စိတ်ဓာတ်ပိုင်ရှင် မင်းသမီး ဆူလတာနာအယ်လ်ဆတ်နဲ့ တွေ့ဆုံရင်းနှီးခဲ့ပါတယ်။ ရင်းနှီးချိန်ကြာမြင့်လာတဲ့နောက်မှာ မင်းသမီးဟာ သူ့ရဲ့ ပုဂ္ဂိုလ်ရေးလွတ်လပ်ခွင့် နည်းပါး၊ ကိုယ်ပိုင်လွတ်လပ်မှုမရှိတဲ့ ဘဝကို စာရေးသူထံ ရင်ဖွင့်ခဲ့ပါတယ်။ ဒီလို မင်းသမီးရဲ့ ရင်ဖွင့်စကားတွေကို ကိုးကားလို့ စာရေးသူက ဒီစာအုပ်ကို ရေးသားခဲ့ခြင်း ဖြစ်ပါတယ်။ မင်းသမီးရဲ့ ဘဝအကြောင်းနဲ့တကွ မျက်နှာဖုံးအုပ်ထားရဆဲဖြစ်တဲ့ ဆော်ဒီအမျိုးသမီးများရဲ့ ဘဝ၊ တင်းကျပ်လှတဲ့ ဘာသာရေး စည်းမျဉ်းစည်းကမ်းများအကြောင်း၊ မိန်းမများကို အောက်တန်းမှာထားလိုကြတဲ့ ယောက်ျားများအကြောင်းကိုပါ ဒီစာအုပ်မှာ စိတ်ဝင်စားဖွယ် လေ့လာဖတ်ရှုကြရမှာပဲ ဖြစ်ပါတယ်။