ကျွန်တော်၏ ကဗျာများသည် ခေတ်ကို ခံစားမိသည့်အတိုင်း ရေးဖွဲ့ခဲ့ခြင်း ဖြစ်သဖြင့် ခေတ်၏ စေစားရာ ခြေရာများဟု ဆိုနိုင်ပါသည်။ ရောမမြို့ကြီး ပျက်စဉ်က ထိုးခဲ့သော တယောသံသည် ကြမ်းတမ်းခက်ထန်သော တယ�
��ာသံလား၊ ဆွေးမြေ့ကြေကွဲဖွယ် တယောသံလား မသိပါသော်လည်း ကျွန်တော့်ကဗျာများကတော့ အချစ်ငတ်ခဲ့လေပြီ’ ဆိုတဲ့ အမှာစာနဲ့အတူ ထွက်ရှိလာတဲ့ ကဗျာစာအုပ်သစ်ပါ။ ကဗျာအပုဒ် (၅၀) ပါဝင်တဲ့ ဒီစာအုပ်လေးထဲက ကဗျာတစ်ပိုဒ်လောက် မြည်းကြည့်ပါဦး။
‘အခုတော့ …
အရိပ်နဲ့ အယောင်
အမှောင်နဲ့ အလင်း
အဆင်းနဲ့ မာန်
ဟန်နဲ့ ခွန်အား
စကားနဲ့ ကတိ
သတိနဲ့ ကံ
ဒဏ်နဲ့ ကြမ္မာ
ဗလာနဲ့ နတ္ထိ
သတ္တိနဲ့ ဉာဏ်ရည်
အဖန်ဖန်အလီလီ မှားယွင်းလို့ သိမြင်
မော့ကြည့်လိုက်တိုင်းမှာ
ကောင်းကင်ဟာ
တိမ်မရှိတဲ့ ဟင်းလင်းပြင်။’
ရေမြေ့အေး
